السلام عليكم،،،
بتكلم عن موضوع الحجاب الشرعي كيف يكون من وجة نظركم
مثلا تجيك وحدة لابسة حجاب بس المكياج ماشاء الله هذا مو حجاب
وتجيك يلي تلبس عباية ملونة ماشاء الله
وتجيك يلي تلبس عباية مخصرة كثير وتظهر مفاتن جسمها
وتجيك يلي تطلع أجزاء من جسمها
ويلي تجي مو لابسة شراب ورجلها تبين
ويلي تلبس عباية قصيرة نحن إلى أين راح نوصل وشنهو الحجاب الشرعي اذا كل هذا تسونة هذا مايعتبر حجاب شرعي
أنتظركم

اعتقد انو الحجاب مايرتبط بالاخلاق
هواي محجبات ...
واكو سافرات فنك التندك بيها لو تذبلها حجاية

حجاب النفس ازكى واطهر
من وصلة القماش الموضوعة على الرأس

الدين واضح بأمور الحجاب والقرآن كذلك وسالفة اكو بنات لابسه الحجاب وأخلاقها مو زينه هاي يم ربها تبقه مو احنا الي النحدد هالشي ندعي للجميع بالهدايه.

الحجاب شرعاً وعرفاً
هذا الحجي مويمنا وقصته واضحة لكن اللي نشوفهن ولابسات حجاب
هاي السالفة يمنا وكل واحد وعنده رأي بيها
.................
الحجاب في وقتنا ..مجرد ظاهر اوعلامة الى من تضعها
بغض النظر عن المشوهه مثلا أو الحرامية من تحت حجاب
..............
في مرة احنه اثنين شباب لازمين سره (دور) واكو وحده سابقتنا وواقفة على الدور
انها بلاحجاب وثوبها اعلى من الركب
ياترى مالون اوشكل تفكيرنا تلك الساعة عندما تقع نواظرنا على مفاتنها
...............
مرة انا ايضا في دور وامامي وحده لابسة حجاب ومحشومة
كل ماتقع عيني على قفاها اشعر بوقار وهيبة وكأن يفصل بيننا خط احمر صعب تجاوزه
.....................
فأعتقد الحجاب للأمرأة حلوة اوغير حلوة ضروري حتى لايخرب منظر جمالها
ولاينحرف تفكير من تقع عيونه اتجاهها (وهاي غريزة)تتحكم بنا ولاسلطان لنا عليها
...................