السلام عليكم



جريمه اسبايكر ... بصمه عار في جبين العشائر القاتله // بقلمي
اقدم اجمل عمل لي ولكن في نفس الوقت مؤلم جدا ...
لم استطع الاكمال لشده الموقف وحزنه ...



نزليهم ...
يمه ما تنفع صورهم نزليهم
ذبحوهم يمه ذولي اهل الكراسي ذبحوهم
يمه سموهم فرس ...!
اتحالفوا ويه الظلم
وطشوا الجكليت شو جنه عرس
يمه اهلنه والله من العراق
يمه باعوهم ابثمن البخس
يمه اسمعه ايصيح خلصناهم
ذوله بس اليمنه جتلناهم
هسه اخذنه الثار من ذوله النجس
يمه حسبوا ركبه صديم علينه
وهمه يدرون الجتل صار ابفلس
يمه عذرا لو كلتلج ...
يمه شايبهم نكس
1700 جرح كلهم نسوهم
يمه وصلت للسياسه الكل خرس
ذبحوهم ميه وفوك ميه
مو قليل 1700
يمه طكها وذبها بالشط النفس
يمه ايكتله وايدفره
وبعضهم ذبح بالشفره
يمه دولبهم دهرهم للنحس
يمه ما جنهم بشر جنهم اسود
جاعت وصار ابولدها تفترس
يمه ما جنه احنه اخوته
ماكو لا ذمه وضمير ...
يعني ما ضن لو جتل كدامه حس
يمه عود اخضر ربو من جانوا وياج
وهسه يم تكريت يا يمه يبس
وهسه يم تكريت يا يمه يبس


اخ اخ اخ يا ربي ليش
ليش ياربي راحت هل الشباب ...
شنو الذنب ؟
شنو السبب ؟
ورود ينذبحون في عز النهار ؟
لا اله الا انت
حسبي الله ونعم الوكيل
عذرا لقساوة الموقف
الفاتحه



بقلمي
عراق الاحبه

الله يرحمهم
اسلوب رائع في اختيار الموضوع

ودي

المشاركة الأصلية كتبت بواسطة Rahma Rada

الله يرحمهم
اسلوب رائع في اختيار الموضوع

ودي

انرتي انسه شكرا لمرورك العطر ...

المشاركة الأصلية كتبت بواسطة ايات الملكية

الله يرحمهم
خيو الغالي شكرا ع هذا الكلام الجميل...
تقييم

شكرا للمرور العطر والتقييم

شكرا اخي لمشاعرك الصادقه وجريمة سبايكر ذكرها مؤلم الى ابعد وصف فتبقى جرس يدق في مدرسة الانسانيه متى الدرس..وينظر متى ترفع مطارق القضاة بوجة الجلادين ليسوقهم العدل الى جزاء فعلتهم الشنيعه..ليهدء نحيب الامهات الذي رقت الصخور له حتى سال منها دماء ودماء ..

المشاركة الأصلية كتبت بواسطة عدنان الواثق

شكرا اخي لمشاعرك الصادقه وجريمة سبايكر ذكرها مؤلم الى ابعد وصف فتبقى جرس يدق في مدرسة الانسانيه متى الدرس..وينظر متى ترفع مطارق القضاة بوجة الجلادين ليسوقهم العدل الى جزاء فعلتهم الشنيعه..ليهدء نحيب الامهات الذي رقت الصخور له حتى سال منها دماء ودماء ..

احيانا اتصور بان الذين خانوا اخوانهم ليسو عراقيين ... !
لم يشربوا من ثدي العراق الطاهر ..
انرت واكثر صديقي

شكرا لك من مر من هنا

المشاركة الأصلية كتبت بواسطة جنات

مؤلم ماقدمت
الله يرحمهم احياء عند ربهم يرزقون

شكراا لك اخي

انرتي بحضورك العطر ... الله يرحمهم ابرحمته