صفحة 1 من 8 123 ... الأخيرةالأخيرة
النتائج 1 إلى 10 من 71
الموضوع:

قصه بنكهه عراقيه

الزوار من محركات البحث: 334 المشاهدات : 3769 الردود: 70
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    من اهل الدار
    ملكة
    تاريخ التسجيل: November-2013
    الدولة: الكوت
    الجنس: أنثى
    المشاركات: 25,823 المواضيع: 3,287
    صوتيات: 63 سوالف عراقية: 3
    التقييم: 38043
    مزاجي: فدددد ندمان
    المهنة: مصوره
    أكلتي المفضلة: معجنات
    موبايلي: هواوي
    آخر نشاط: منذ 3 ساعات
    مقالات المدونة: 59
    SMS:
    شكرا لموبايلي لآن متحملني وأني لازكه بي 24 ساعة .

    قصه بنكهه عراقيه

    رمتني_عيون_السمر_دون_جناية
    عنوان قصتي الجديدة من اجمل لقصص الي راح تقروهة بحياتكم كلهة شبيهة بقصة روميو وجوليت جاك وروز عنتر وعبلة وﻻكن بنكهة عراقية اتمنى لكم اوقاتا ممتعة تقضوها برفقة ودق بطلة حكايتنة

  2. #2
    من اهل الدار
    ملكة
    رمتني عيون السمر دون جناية
    بارت1
    مرحبا اسمي ودق عمري 17 سنة صف خامس ادبي من سكنة محافضة كربﻻء مواليدي 1964 مواصفاتي طولي 155 وزني 50 شكلي بيضة كلش وعيوني عسلي وكبار حيل ورموشي السفليات كثيفات حيل وكئنه باجية او مبلﻻت حلكي وسط وخشمي رفيع ومستدق عائلتي تتكون من 14 نفر هههه عشيرة ماما وبابا و8 خوان و3 خوات اني ترتيبي ال7 عائلتنة ميسورة الحال بابة عريف متقاعد وعندة كهوة ضخمة كلش وماما ربة منزل اخواني الكبار الثﻻثة موضفين حسام الجبير مدرس واياد صنايعي بشركة اهلية هوة خريج صناعة وكميل محاسب السنة تعين اليوم اول يوم دوام الية بصف الخامس ادبي حلمي اكون محامية وليوم فرحانة ﻻن نتقلت لمدسة اﻻعدادية طبعا اني احب اهتم بمضهري الخارجي كلش لبسي دوم علموديل وابوك كحل من ماما واخلي من اروح للدوام وما اروح للمدرسة الة اشسور شعري الكاري ههه كعدت الساعة ب6 دوامي صباحي سبحت هاي عادتي حتة لو لجو بارد لبست صدرية جوة لركبة بشبر وقميص ابيص بي دانتيل شسورت شعري كلعادة بكت الكحل من ماما امشي علة طراف اصابيعي هية دتصلي بلصالة همزين مشافتني وبابا طالع يجيب ريوك بسرعة لبست جنطتي وفلتت ماما شافتني من طلعت كلتلهة اني طالعة بلة مااباوع بوجهه مدرستي موكلش بعيدة اتمشالهة بتعدت عن لبيت داامشي حسيت اكو احد يمشي وراي بس مالتفتت وصلت للمدرسة قبل ماادخل باوعت وراي شفت ولد شوية قريب علية عرفتة هوة الي جان ﻻحكني ركزت بي طويل اسمراني دخلت للمدرسة ضاع ليوم بين اسلم علة صديقاتي واستلم كتب وضحك وسوالف مادرسنة خلص الدوام طلعنة واكفة برة احجي وية صديقاتي قبل مااتوجه للبيت نتبهت نفس لولد جان واكف كلت يجوز متاني احد بديت امشي وابتعد عن لمدرسة حسيت نفس الخطوات داتتبعني سرعت مشي وخفت حيل ﻻن دنية ضهر ولشارع خالي وصلت للبيت واخيرا طبيت الكل منجمع علسفرة اني المدللة مال مابة رأسن صاحني وسوالي مكان يمة خواتي ندى ورباب يغارن مني ﻻن بابا يميزني عنهم جان غدانة سمج ودولمة وبانية وتمن ابيض احنة هيج غدانة دائما ﻻن هواي وكل واحد يحب شي فماما تلبي رغبات الجميع وعدنة اختي ندى مبطلة ورباب هم تداوم مسائي فيساعدون ماما وكت الصبح طبعا جمعتنة دائما متخلة من حديث السياسة حتة وان جانت الجمعة عﻻكل ﻻن عدنة اخوي حسام عضو فرقة بلحزب وبابا يحب يسمع اخبار الحكومة والسياسة كملنة لغدة طبيت لغرفتي اني وندى نفس لغرفة ورباب وزينب بغرفة ولولد هم نفس الشي كل ثنين بغرفة بيتنة مساحتة 450 متر بي حديقة جبيرة كلش وزرع وبصف البيت الكهوة مال بابا وخلف البيت بانين جامع وباب الجامع الداخلي صاير علكراج مال سيارات بابا ولولد طبعا بابا وعدنة باجر يجيب تلفزيون ﻻن احنة البنات كرعنة راسة بلملحة واخواتي متانين علة جمر طبيت لغرفتي كعدت اجلد كتبي واحضر جدول باجر كملت نمت كعدت ثاني يوم الصبح نفس استعدادات البارحة وبوكة الكحل هم نفس الشي هههه وهلمرة خليت شوية حمرة بخدودي بدلت طبعا غير صدرية ﻻن اني اشتري 3 صدارب بلسنة الوحدة وماالبس مﻻت العام لو اموت عكس خواتي يكتفون بزي واحد اخواتي يكلولي مغرورة وتعجرفة ﻻن احب اهتم بمضهري المهم طلعت من لبيت بعد مااخذت يوميتي الي يخليهة الي بابة فوك الملحق مال الكاونتر طلعت داامشي وحسيت نفس الخطوات دا تتبعني وكلما ازيد بسرعتي هوة هم بزيد حاولت اركض اني مامحجبة بس همزين ماركض وراي لحمد لله وصلت للمدرسة ولتفتت باوعتلة ردت اعرف هوة نغسة لو غيرة تأكدت هوة نفسة خلص ليوم وبلطلعة قررت مااراوي وجهي واتختل بين لبنات واغير طريقي وفعﻻ سويت هلشي همزين ماشافني داامشي مريت من يم حديقة بيهة ورد واني عشقي الورد دنكت كطعت وحدة ونداريت داامشي شفتة كبالي يربي هاذ منين يطلعلي كلي موحرام تسرقين نترت بي كتلة وانتة شعليك عفتة ومشيت اني عصبية نوعا ما طالعة علة بابا اباوع علة ايدي الي ﻻزمة بيهة الوردة ترجف وشرايني نطن اخذت نفس عميق هسة اني شكو معصبة دخل يولي عليمن حاركة اعصابي من ورا بس هاذة بعدة يمشي وراي يمة متت رعب ولمنطقة فارعة تصوفر دنية الضهر وصيف محد يطلع شمس تحمس اني من اعرك خدودي يصيرن حمر دم ووجهي يضل يحركني ﻻن بشرتي حساسة متتحمل لحرارة امشي وهوة وراي رجلية يرجفن من لخوف كلسا اريد اندار وارزلة واتراجع اكول ﻻ خاف اثير غضبة وأيأذيني المهم وصلت للبيت بأعجوبة هوة من اقترب لبيتنة يختغي طبيت ميتة من لحر ولتعب كلعادة بابا يهلي ويرحب من بعيد هلة بحبيبة بابا ويدفع اخوي الي كاعد يمة حتة يبوسني ويكعدني يمة وخواتي يكلبن الخلقة هههه كملنة لغدة وطبيت لغرفتي ردت احجي ﻻختي ندى بس شفتهة نامت كلت باجر اذا هم لحكني اكول لبابا وافضهة بدل هلرعب الي عايشة بي قريت دروسي ونمت كعدت لعصر علة صوت بتوت ماما يخرخشن كاعدة تحجي وية ندى وهي بطبيعتهة تأشر هواي من تسولف طلعت راسي من لجرجف باوعت ندى تبجي وماما تحجي وياهة تكللهة خوش ولد وابو صديق ابوج ونعرفة زين وشكلة مقبول وموضف شتردين بعد ندى :ماما حبابة ماريد اتزوج

  3. #3
    من أهل الدار
    تاريخ التسجيل: April-2018
    الجنس: ذكر
    المشاركات: 1,250 المواضيع: 78
    التقييم: 721
    موبايلي: Galaxy A5‬‏
    آخر نشاط: 18/June/2018
    SMS:
    قم بواجبك وأكثر قليلاً وسيأتي المستقبل من تلقاء نفسه
    ننتظر القصة ..

  4. #4
    من اهل الدار
    ملكة
    اﻻم:وج ماما شمتانية عمرج 21 سنة وانتي مبطلة هسة لو طالبة نكول تريد تكمل لعمر يركض ياأمي وانتي موذاك لجمال حتة متخافين علة روحج انه تعنسين ودق :ماما شنو جاين خطابة علة ندى
    اﻻم :انتي سدي حلكج ام لسان مالج دخل
    ودق:يووو عﻻساس عدكم سر شو هوة هاذ الموضوع يومية تحجون بي حتة حفصت ردود افعالكم اكوم اصلي احسنلي صليت صﻻتي مال لضهر المتأخرة وكعدت اقرة كملت سوينة عشة اني ورباب رباب كسولة كلش تداوم اول متوسط بس مسائي ﻻن كضتهة رسوب واني وزينب لحكنة بيهة وغلبناهة هية من نوع الفقيرة كلش ومائلهة حس بلبيت وبشرتهة صفرة ﻻن عدهة فقر دم فأني اسميهة اﻻفعى الصفراء وماما ترزل بية بس بابا يضحك يكلي تجيبين القب بلمكان اغلب اخوتي مطلعلتلهم القاب كاعدين نكلي لحم وطماطة وطب اخوي زيدون اكثر واحد فكاهي بلعائلة نزع حذائة بلباب وجاب جواريبة حطهن علة خشمي طبعا هوة معروف بريحة جواريبة الي توصل لسابع جار اني دفعتة وركضت ورا هوة ركض ورة امي طبعا هوة طالب كلية شرطة وهاي السنة يتخرج ماما صارت كدامة وكغختني اني جريتة من قميصة من ورة مامة فلت روحة من ايدي وركض للصالة ويكلي ام لكمل ام خشة جنج العجوز الشمطاء الي تطلع وية قطر الندى واني اصيح بابا صيح بي
    زيدون :باع خشمج جنة تنور الطين مال بيت ام احمد
    ودق :وخشمك جنة كباية
    اجة بابا كافي واك انتة متستحي تناكر بخواتك روح تعارك وية خوتك لتتدحس بلبنات
    زيدون فات من يمي كفخني بعد مااخذلة رزالة من لبابا وصعد لغرفتة
    كملنة لعشة اني ورباب لحم وطماطة وبتيتة اقﻻم وكباب عروك ودجاج شوي شوية زايد من لغدة هم حمينا صبينا اكلنة وزينب وندى غسلو مواعين صعدت لغرفتي داانام عندي عﻻكة حلويات جايبهة الي بابا طلعتهة دا اكل طب علينة زيدون جفت كفش شعري ويكلي ام لكمل ام خشة وباك نساتلي وشرد طبعا هوة هاذ شقا وميتشاقة بس وياي بس اني اضوج حيل من شقا لفيت راسي ونمت كبال المبردة وندى تباوع علسكف ودموعهة تنزل بسكوت كلتلهة ندى شبيج ماردت نمت وعفتهة بس كلبي يمهة خطية ادري بيهة متريد تتزوج كعدت الصبح كلعادة تحضيراتي للدوام طلعت مشيت همزين ليوم هاذ المزعج مابين قريب ما دااوصل للمدرسة عثرت وتكربحت علة وجهي وركبي تزلغن وصبن دم حسيت واحد اجة يركض درت وجهي واشوفة تاري ﻻفندي جان يمشي وراي بس بعيد فماحسيت بخطواتة
    جواد :الله الله خوما تأذيتي
    ودق:ضليت ابجي من لفشلة ومن لخوف خفت من عندة واريد اكوم اشرد بس رجلية ماعانني حيل متأذايات باوعتلة كتلة ﻻمبية شي ووخر عني عفية ﻻالم العالم عليك هسة والله
    جواد :شبيج تلمين لعالم شنو هوة اني شسويتلج موصوجج
    عافني وراح اي دولي شلزكت
    بية مابية كمت نفضت مﻻبسي وكملت طريقي وية طبتي للمدرسة لتفتت داشوفة راح لو بعدة باوعت واكف خرب روحك متكلي شلزكت الة يشوفك احد يلله ترتاح طبيت حجيت لصديقتي بسمة ضلت تضحك كلتلي خوش والله عدج معجب
    يمعودة دروحي بامعجب اني بيا حال اكللهة معيشني برعب تكلي معجب المعجب يجي يخطب مو يضل ﻻحكني مثل الحرامية خلص لدرس اﻻول طلعت للحانوت شتريت الي ولبسمة ﻻن خطية حالتهم ضعيفة وداءما متشتري طبعا هية بيتهم بصفنة بس مانروح سوة ﻻن اخوي زيدون واخوهة تعاركو مرة ومنعني انه احجي وياهة بس اني احبهة صديقتي مستحيل ازاعلهة علمود حضرتة خلص ادوام طلعت من لمدرسة واشوف اﻻفندي واكف بعيد يدخن كلت اليوم الة ارزلة وبعد مااسكتلة مشيت وحسيتة مشة وراي تانيت بس شوية ابتعد عن لمدرسة حتة لحد يشوفني من لبنات نداريت علي كتلة انتة هي شكو تلحكني شعندك وياي تقرب علية اني خفت منة كلي ماعندي شي
    ودق :ﻻ والله وشكو ﻻحكني لعد
    جواد:اوﻻ لتصيحين دنية ضهر هسة يطلعون لعالم علة حسج لعالي
    ودق:معليك انتة بحسي وكلي شعندك وياي ليش تلحكني مشبه علية لو كلولك علية دليل
    جواد :ﻻ هاي وﻻ هاي بس كلبي حبج وماكدر يمر يومي بﻻ ماشوفج والله رجلية يجيبني يمج
    شنو شنو وانتة منين تعرفني شتعرف عني حتة تحبني وبعدين الي يحب مايسوي هيج ويعرض سمعتي للحجي بلله شافك واحد من خواني والله يذبحوك خﻻص اني بت سيد عباس باباتي واكيد تعرف سيد عباس وولد سيد عباس شنو
    اعرفة والله وعلة راسي انسان ولنعم منة واخوتج هم بس والله مرايد منج شي بس كلبي يخاف عليج ماكدر اخليج ترحين وترجعين بحدج والله ماتعرضلج بس امشي وراج وبعيد عنج خاف ﻻاحد يتعرضلج وانتي الله يحفضج صدريتج تجيب التايه وعطرج حتة المنشول يشتمة

    اوﻻ معليك بلبسي انتة لو محترم متباوع علية وثانيا هذني مال احبج وخايف عليج طكطهن يم غيري واياني وياك بعد تلحكني قسما بذات الله اخلي اخواني يسحلوك سحل هوب يابة علة كيفج يسحلوني شنو بعدني مامكمل كﻻمي عافتني ومشت مثل ماتوقعتهة شخصية حادة وجريئة اكيد تاخذ هلصفات من ابوهة
    اعرفكم بنفسي اني جواد عمري 26 اشتغل فيتر مال سيارات شكلي اسمر وطولي 170 جسمي حلو ومعضل مﻻمحي حادة وجذابة حواجبي مرسومات وعيوني كحيﻻت وكبار ولونهن اصفر فاتح والدي متوفي وعندي اخت وحدة طالبة متوسطة واخو واحد يشتغل وياي عمرة

  5. #5
    من اهل الدار
    ملكة
    18 سنة فد يوم حاي للبيت اتغدة وارجع لشغلي شفت بنية ﻻبسة صدرية مال مدرسة قصيرة ولرجلين ثلج ومنحوتات نحت ولشعر كاري جوزي وسرح يجنن ولعيون مكحﻻت وذبﻻنات دخلت بكلبي من اول ماشفتهة تترنح بمشيتهة التعبانة وجنطتهة بضهرهة ضليت اتابعهة يومية وعرفت اهلهة معروفين بلمنطقة بسمعتهم وعدهم جامع اروح اصلي بي دائما وكهوة ابوهة هية مستقري بليالي الصيف ﻻن بيهة مبردتين وتلفزيون وذاك لوكت محد عدة تلفزيون بس المسؤلين ولناس الحالتهم ميسورة جدا ضليت شهر كامل اتابعهة يومية لبسهة ملفت واناقتهة عطرهة يسكر بكد ماطيب لحد ماخلصت المدرسة وتانيت العام الدراسي الجديد بفارغ الصبر حتة اشوفهة مرة ثانية وصار هلشي وكحلت عيني بشوفتهة بعد 3 اشهر فدوة حبيبتي صارت مرة وكبرت وتغيرت بهاي الفترة وشعرهة طوﻻن .

  6. #6
    من اهل الدار
    ملكة
    ودق انتي وندى نفس لغرفة وانتي اقرب وحدة عليهة اكيد تعرفين ندى ليش هيج سوت والله ماعرف بس ماما كلتلهة علة ابن صديق بابا الي خطبهة وهية من يومهة نكلبت احوالهة وبس تبجي
    زين متعرفين ليش متريد تزوج عدهة احد ببالهة مثﻻ
    ﻻء ماعتقد ﻻن هية متطلع ومدرسة ماكو وكرايبنة ﻻنشوفهم وﻻيشوفونة بعد مادري الله اعلم
    اوف ياندى حالهة ميسر ﻻعدو وﻻحبيب بابا طب عليهة كللهة بابا خﻻص زواج ماكو لتبجين ضلي هنا يمي شيلي كبرتي اني وامج حضنت بابا وضلت تبجي بحركة واني دموعي وياهم تصب
    زيدون:فطيرة انتي شكو تبجين
    ودق:هههه ومنو ذاك ليوم يبجي مثل لجهال بلسيارة اني كتلة هيج كفش شعري وشرد
    رحت يم خواتي بلغرفة تمددت ليوم جان كلش متعب باجر عندي دوام وكلشي مقارية يوووو نسيت اكل لبابا علة هاذ الي يلحكني يومية كمت رحت داشوفة بلصالة لكيتة طاب لغرفتة ونايم
    رحت نمت كلت باجر اول ماارجع اكلة حتة ماانسة
    كعدت لصبح بدلت ورحت للدوام امشي واتلفت وراي ليوم ماهوة لحمد لله وصلت قريب المدرسة اكو واحد يبيع عالوجة اوووف اموت عليهة رحت يمة شتريت ومشيت امشي واسمع واحد وراي يصيح يبنية نداريت يربي هاذ هوة كتلة خير شكو شتريد
    رقم تلفونكم اﻻرضي
    شنووووو
    رقم تلفون شبيج
    انتة بيك شي روح منا ﻻوالله الم لعالم عليك هسة
    والله احبج وحق هاذ الله لفوك راسي احبج وغرضي شريف بس الم روحي وادز امي تخطبج ليش متنطيني مجال يجوز انتي هم تحبيني خل نتعرف علة بعض ماخسرانة شي انتي ومادك عليج والله شوكت متكدرين انتي دكي علية ماريد شي بس اسمع صوتج

  7. #7
    من اهل الدار
    ملكة
    بارت3باوعت علي يربي هسة هاذ شجاوبة ردت احجي كتلة انتة شبيك جر كتابي لبيدي اني بطبيعتي اشيل كتاب بيدي حتة لو جنطتي بيهة مجال علة كولت اختي زينب تفيكين جرة مني كتب رقم تلفونهم علي ونطانيا اني شكيت لورقة لبيهة لرقم وذبيتة رجع اخذة مني وكتب لرقم صرت عصبية حيل هم شكيتهة جرة مني تﻻويت ويا كتلة هد كتابي جرة مني حيل ويضحك كتبة علة ورقة بيهة موضوعنة مال باجر وفوك لكتابة جريت كتابي من ايدة كتلة أما انتة صدك واحد متستحي
    جواد: اتانيج دكي ويضحك
    ههههه تحلم
    عفتة ومشيت خرب يومة عكر مزاجي اني ماريد احد يتقدملي ﻻن ماما بس واحد يخطب تضل تلح علة بابا وافق ووافق وخاف تخلي يبطلني هية وحسام ﻻن هوة يحجي براس بابا ويكلة لبنات مصيرهن بلبيت شكو يداومن اوف ماما ادري بيهة تسويهة نفس مابطلت ندى من اول عريس خطبهة ورباب هم لو جاي عليهة واحد تبطلهة مشيت واني احجي علي بلله هاذ شجاريلة ادري ماكو بنات شبع رزايل مني وصادتة ليش ﻻزك اوووف معقولة يحبني صدك خل اشوفة بلله صدك يحبني لو يومين ويمل ويروح يلطش لوحدة غيري احجي ويا يجوز احبة واعيش قصة حب والله مامصدكة بس هوة طويل حيل هاذ اذا يشوفة زيدون يسويني فلم عبالك بتة من وكفت يمة ﻻزم احاجي واكلة ليدز امة اني اريد اكمل دراستي طبيت لباب لمدرسة وبطبتي شغت بسمة سلمت عليهة
    بسمة :ها عيني الله ربج صاير عدج معجب وبعد شلتي خشمج . وتأشرلي بعيونهة علي نداريت شفتة وكف كبالنة يحجي وية لحارس
    بسمة صمي حلكج بلله تدرين اذا شافة واحد من اهلي كتلتي تصير عمل شعبي وحسام يلكاهة حجة ويكعدني بلبيت
    بسمة:اوف ربي ماتدزلي معجب يوصلني مثلهة يومية ويرجعني والله ضوجة لطريق طويل نكضيهة سوالف اني ويا
    ودق:دمشي امشي يمعودة راح يبدي لدرس
    ليوم كلة بس اترزل ﻻن كلشي ماقريت من ورة سالفة ندى
    خلص لدوام حليت بلطلعة باوعت ماشفتة مشيت كلت هسة يطلعلي من فرع مثل لجني مشيت واتلفت بتعدت عن لمدرسة ماهوة وﻻبين وصلت قريب بيتنة وهوة ماكو هاذ اكيد مل طبيت للبيت ماما بلمطبخ سلمت عليهة
    ودق ماما ركض نزعي مﻻبسج وتعاي ساعديني
    لبش ماما ندى ورباب وين
    راحو يم بيت ام احمد ليوم حنت بتهة زهراء ودزت عليهم يساعدوهة خطية ماعدهة احد
    جذب زهراء راح تعرس
    اي ليش ﻻ كلهة تعرس بس انتن عنسن يمي ضلت حسرة بكلبي ازوج واحد منكم ﻻلولد قابلين وﻻ لبنات ادري شبيكم يمة خنثيين خوما خنثيين
    ماما شبيج شنو خنثيين حبيبتي ﻻحكة تشيلين همنة ونترسلج لبيت جهال
    اي ام لسان يلله طبي بدلي وتعاي صبي هلكت ليوم وحدي وسويت 3 انواع مركة اخوتج يتشرطون
    فتحت الكدورة طرشانة وبانية وتشريب دجاج اصفر تﻻثتهن اموت عليهن ركض لغرغتي بدلت ونزلت احضر بلمواعين وماما كاعدة كبالي علة ميز لطعام هية وبابا اكلة علة هاذ لولد ترددت وهوة ليوم مابين يمكن مل وراح يفك عني بس ﻻزم احاجي واكلة ﻻيدز امة صبيت لغدة وصعدت ادك لباب علة غرف خواني اخذهة ركضة بلطابق لفوك واضرب لبيبان برجلية وادية وصلت لغرفة زيدون ومخلد بس مخلد بدوامة فبس ززيدون باقي فلشتهة وصرت ورة باب لحمام تانيتة يطلع واذبلة رجل ماحس الة نكفحت من ورة
    زيدون : يمة هاي شنو وجهج منو مصفكج راشديات
    احك بمكان لضربة واحجي ويا ولك هاي من لشمس والله راح اموت متجيبلي دوة صخام
    زيدون:ﻻخليج هيج احسنلج حتة محد يكلبج
    حباب شبيك
    بدو لولد يطلعون من غرفهم طلع حسام
    ها دودة شلونج
    يووو حسام كم مرة كايلتلك ﻻتصيحني دودة
    ولج هوة اسمج ودق كليلي شدلعج بلة مترهم غير دودة
    زيدون :وانتي منا قزمة يعني دودة كاعد وزن وياج
    نجب زيدون
    اياد : ولج ليش تغلطين شكم مرة كايلج هاي ﻻلفاص تستخدميهة وية صديقاتج مووية اخوتتج
    دمعت عيني ومشيت اياد كلش ماعندة سلوب ويريد لبيت كلة يمشي بأمرة
    زيدون :اياد معليك بودق اني وياهة عﻻقتنة غير هية متعودة تعاملني غير عنكم واني هم
    اياد :ولك شطولك بعد تصير ومحد يحترمك بلبيت حتة خواتك زعطوطات وميحترمنك
    يووو اياد اعوفك وانزل انتة عقليتك مال شياب بابا ذولة خواتنة نصادقهن احسن مانصير فاندام براسهن لدنية خلصانة ليش تخليهم هيج 24 ساعة ترزل بيهن خطية هسة هية شحجت قابل
    عفتة ونزلت ادري بي الحديث ويا عقيم عزة هاي لو تزوجت ليان ام لسان لطويل شلون بية هاي لسان وتحب تغلط وتفشر ﻻ ﻻزم اعزل بيت وحدي فدوة لكلبهة اموت علة لسانهة دور تجي يم هاذ اياد لغثيث وين تتحمل هاي يومين وتطفر
    نزلنة صبيت لغدة واكلت علسريع وغسلت المواعين كوومة ل3 يللة خلصتهن اريد اروح لبيت ام احمد لحنة ب7 بليل تبدي بس اني اموت علة سوالف ام احمد فكاهية حيل وتنكت احب اروحلهم صعدت ركض ركض سبحت بية ريحة اكل شسورت شعري بلفير ردت ابوك من ماما مكياج بعدين كلت ﻻام احمد تنطيني متكول لبست فستان لونة رماني جوة لركبة ورداناتة تور ومن جوة كلوشتة عريضة وكعب اسود وجنطة سودة يدتهة زنجيل واخذت وياي مﻻبسي الي البسهم بلحفلة ومﻻبس خواتي هم موصين

  8. #8
    من اهل الدار
    ملكة
    ماما اجيبهن وياي من اجي اني مشيت همة فرق عنة 5 بيوت وصلت يم بابهم شفت احمد ابنهم واكف ويمة ولد يسولف ويا ضهرة صاير علية ماشفتة وصلت يمهم سلمت علة احمد صديق لطفولة فتحلي لباب ولولد صار كبالي يااااا هاذ هوة الي يلحكني يوميةشجابة هنا طبيت ودا سد لباب وراي صارت عينة بعيني نتبهت عيونة صفر ويلمعن بلشمس شكد حلوات
    طبيت للبيت سلمت علة ام احمد زهراء رايحة للصالون
    ام احمد :ودق تعاي سوي وياي لفات
    اي خالة خل اغسل ايدي
    اجيت يمهة كلتلي اني احط كباب وانتي حطي لخيار
    كلتلهة خوش
    خالة زهراء شراح تلبس
    كلت لندى نطيني من يمج كﻻص مي عطشت من لحر
    والله خالة عيالهة جايبيلهة 3 بدﻻت تطلع جنهة مصيول بيهن
    ليش خالة شبيهن
    اندري خالة كصار وهية بتي ركبهة سود ورجليهة جنهن جفاجير ثنين
    طبعا بيدي بيدي كﻻص لماي كد ماضحت وكع من ايدي
    خالة ادري المرة غير تمدح بتهة خوما تفضحهة

    خالة شمدحهة هية بتي سودة اني لوما طالعة علة عماتهة موحلوة ماجان زوجتهة بهيج عمر بس خاف تحمض علة كلبي مثل عماتهة من حمضن

    ندى :الله يسعدهة وتشوفين جهالهة انشاء الله

    باوعت لندى تحجي وتجر حسرة ندى عدهة سر ﻻزم اعرفة ليش هيج متقبل تزوج وتنرعب من سيرة لزواج

    ب6 طبت زهراء هية ورباب اجن من لصالون خطية طالعة تخوف لمكياج مخربهة مامحليهة
    ام احمد :يمة شنو هاي شطالعة ولج هسة يطفر لولد

    ندى ﻻخالة شبيهة تخبل اللهم صلي على محمد وال محمد
    خالة شتصلين على محمد هية هاي ماتنحسد اني ماخاف عليهة وجهه جنة محجارة

    خالة خطية ﻻتكسرين بخاطرهة هية عروس وهسة خايفة ومرتبكة وانتي تعيبين عليهة
    كلتلي خوش خوش بعد ماعيب وتضحك

    رحت يم زهراء جاي تبدل ولمعازيم كامو يجون برة
    زهراء
    ها ودوقة
    هاذة منو الواكف يم احمد برة
    منو ماكو احد من اجينة
    ﻻاكو واحد جان واكف يمة من طبيت ماشايفتة عدكم ابد
    شلون شكلة
    اسمر وطويل وعيونة صفر
    عيونة صفر وشعرة شوية بي طول
    اي اي
    ها هاذ جواد حماي الجبير
    حماج
    ورجلج شسمة لعد
    اسمة زامل
    شنو عجبج ولج
    ﻻ يمعودة بس ضل يباوع من طبيت ثار فضولي فسألتج
    ها خطية هاذ هوة الي مربي رجلي درة مال الله ضحة بدراستة علمود اهلة ﻻن والدة توفة وخوانة صغار

    ليش هوة شكم اخو عندة
    بس رجلي واختة هسة تجي هية وامة واراويج اياهم
    خوش
    خطية زهراء طلعت بدﻻتهة صدك موحلوات ومبينات رخيصات طلعت بدلتي سودة ومشغولة نمنم من فوك ليجوة
    زهراء :الله ودق بدلتج تجنن
    اممم ليش متلبسيهة انتي
    ﻻ لعد وانتي شتلبسين
    اني مومهم ابقة بفستاني هاذ هسة اهم شي انتي لعروس
    اني كلتلهة هيج ﻻن اذا لبست بدلتي راح اكسر عليهة خطية جايبيلهة فساتين موبدﻻت
    لبستهة هم نضمن ركبهة لسود علة كولت امهة وهم كشخة
    اجو امة واختة راوتهم الي
    لبسهم كلش بسيط وشكلهم فقرة وعلة نياتهم
    طب لولد يلبسهة لذهب
    شكلة حلو وناعم مبين زغير بس مايشبه اخو شنو كالت اسمة ها جواد
    ذهبهة كلش بسيط وخطية هم مامشترين حلقة للولد امهة صاحتني
    ام احمد :ودق فدوة خالة ركضي كلي ﻻحمد خل ينطيج لحلقة مالتة
    طبعا احمد ستوة خاطب طلعت برة شفت احمد واكف بعيد هوة وجواد رحت علي شلون اكلة كدام لولد كتلة احمد بس تعال شوية لوالدة تريدك كلي عيب اجي يم لبيت كليلهة شنو تريد
    يربي شلون اكلة كدام لولد فشلة خطية ماريد افضحهم
    كتلة تعال يمي اشرتلة
    اجة ها ودق شتريد امي
    كتلة لحلقة مالتك ممشترين حلقة لخطيب زهراء خطية نزعهة بسرعة اخذتهة منة وطرت للبيت نطيتهة ﻻمهة لبسو لحلقات وخلصت لحفلة لعالم بدت تروح كمنة اني وخواتي دانطلع طلعنة بلحديقة نلبس احذيتنة شفتة واكف بلحديقة رباب اختي اول وحدة طلعت واني وراهة ووراي ندى
    جواد :عفية اختي بﻻزحمة ممكن تصيحين والدتي واختي جوة اسمهة ام جواد كليلهة يلله متانيهم حتة نروح ورانة طريق
    رباب :اي هسة
    راحت رباب تصيحهم واني وندى دا نلبس احذيتنة طلعت ام احمد صاحت ندى كلتلهة تعاي هاج لفات خطية مااخذتو لتهيتو بلتوزيع راحت ندى وضليت بس اني ويا بلحديقة
    مدنكة البس بحذائي كملت رفعت راسي شفتة يباوعني يمة عيونة مال بزونة
    جواد :متاني اتصالج ليوم عندي حجي وياج
    اي اني هم عندي حجي وياك
    اها خو ش لعد اتانيج
    طلعت ندى ورباب مشينة قريب مدا نوصل لبيتنة سمعت واحد يصيح ودق ودق
    ندارينة اني وخواتي

    عززززة

  9. #9
    من اهل الدار
    ملكة
    بارت4
    ندارينة اني وخواتي اباوع هاذ هوة يمة كلبي صار دمام هاذ منين يعرف اسمي ندى تباوع ورباب تخزر بية
    ندى :ودق هاذ منين يعرفج
    صار لولد قريب علينة ماكدرت اجاوبهة
    جواد منو بيكم ودق
    ودق اني

    هاذ سوارج دزتة ام احمد ناسيتة يمهم
    اباوع لملوي الي جابتة ماما بعيد ميﻻدي عزة بعيني لو تدري بية تطيح حضي اخذتة منة تعمد يلمس اصابيعي من اخذتة بس ملمس اصابيعة كلش خشن ومشككات خطية اكيد من لشغل تشكرت منة ومشينة
    ندى :هاذ منين لولد
    هاذ حمة زهراء
    امم وانتي شمدريج
    سألتهة ﻻن بطبتي هم شفتة فستغربت
    طبعا ام احمد متزوجة واحد من غير طائفة وﻻاهلهة قابلين علة زواجهم وﻻاهل زوجهة فلكل مقاطعهم ومافد يوم شفنة اجوهم كرايب الة ماندر فلهاذ لسبب كلنة ستغربنة هاذ الولد من شفنا
    وصلنة للبيت امي كالت ركض سوون عشة بسرعة كتلنة لجوع نزعنة مﻻبسنة اني ورباب وطبينة للمطبخ نكلي ونستذكر احداث الحفلة ماما كاعدة علة ميز لطعام وتسأل بينة
    ودق :ماما ليش ماجيتي مو كلتي نلحكم اني وزينب

    غير زينب عاندت الة تلبس صلوخ واياد هم عاند ماخﻻهة تلبسة وهية ﻻسنتة كفخهة وضلت تبجي خطية نقهرت عليهة اذا رحت وضلت بس هية بلبيت تموت روحهة من لبجي ضليت يمهة حتة ﻻتكول بس اني مارحت وتقرالنة اليتيمة

    ماما هاذ اياد ليش ميبطل يتحكم بينة بابا عايش وهوة صاحب لكلمة علينة
    رباب :ودق سدي حلكج جلدج يحكج تردين كتلة هسة يجي ويسمعج
    دخل يولي واذا سمعني واني احجي طب زيدون يغني
    واخذلة ركصة بلمطبخ
    زيدون :ماما شوكت تخطبيلي ليان
    ماما غير يزوجون اخوتك الكبار
    اي يا امي اذا همة ميردون شلون اتاني البنية تضيع من ايدي علما ولدج يقتنعون
    احاجي ابوك ليوم بس ادري بي مراح يقبل
    زيدون:سوسو حبيبتي لبسيلة حلو وتدلعي علي وهوة راح يقبل رأسن

    ولك ادب سز اني امك لو صاحبتك هيج تحاجيني
    كفختة ماما وهوة طلع برة ويكللهة انتي بس لبسيلة احمر وهوة مراح يرفض
    وامي تضحك وتركض ورا بلنعال
    كملنا العشة وتعشينة وركض لغرفتي كلشي ماقريت من دروس باجر كعدت اقرة وندى متانيتني اكمل تريد تطفي ضوة كملت طفينا ونمنة
    كعدت لصبح متأخرة حسام بعدة مرايح لدوامة ركضتلة حسام حباب وصلني وياك حيل تأخرت
    حسام :صعدي يلله
    شغل سيارتة ومشينة بطريق ماشايفتة ابد غير عن طريقي الي اروح بي للمدرسة ﻻواقرب هم بعد يومية اروح منا هم اخلص من هاذ جواد وهم اقربلي نزلت للمدرسة ركض مر يومي الدراسي مثل كل يوم خلص لدوام طلعت شفتة واكف بس هوة ماشافني بسرعة رحت بأتجاه الطريق الي اجيت منة وية حسام مشيت لحمد لله ماهوة وصلت لبيتنة وضليت كل يومية اروح وارجع بهاذ الطريق بعد ماشفت جواد ابد غير مرة شفتة واكف بطلعتي من لمدرسة بس تختلت بين لبنات وماخليتة يشوفني مر شهر علة اخر مرة شفتة بيهة ليوم حفلة تخرج زيدون وماما مسوية حفلة بلبيت عزمت كرايبنة ولجوارين لولد زينو لحديقة وخلو بيهة كراسي وحضرو مسجل وكاسيتات طبيت للبيت ولولد دايخلون كلوبات فوك ﻻشجار مال لحديقة ولبيت هوسة وية مادا امشي واحد فشخني بنبكاية رفعت راسي زمن لغثيث صاعد فوك دا يسوي بلزينة
    زمن :ها ولج لقزمة
    مالي خلك اجاوبة ميتة حر وتعبانة طبيت سلمت علموجودين كلهم وطبيت لغرفتي اجت رباب كلتلي احنة كلنة تغدينة من وكت علمود نكعد نستعد للحفلة بس انتي بقيتي كتلهة حبابة صبيلي وجيبي لهنا والله مابية حيل وخاﻻتي بس يتسألن مالي خلكهن راحت خطية صبتلي واجت اكلت ونمت كعدت ب4ونص هم ياله ركضت للحمام سبحت وطلعت لكل جاين من كرايب ماما شسورت شعري وخليت شوية مكياج من ماما بس برضاتهة هلمرة موبلبوكة لبست ثوب قصير وبي شغل علخصر مخصر علة جسمي وكلش يضهر مفاتني وكعب طبعا ﻻن اني قزمة علة كولت زيدون طلعت برة لكل متحضر وجوارين جاين زيدون اصر يسوي لحغلة بلحديقة كال احلة رحت يم خواتي بلمطبخ ماما مامخلية شي مامسويتة مشاوي ولحم بعجين وكيك وبتفور وجايبة كرزات وحلقوم ومن السمة وشرابت يووو المطبخ مليان اجت ماما كالت يلله العالم كثرو طلعن وزعن للنسوان
    طبعا لولد سوو لحديقة تخبل كلوبات الوان وزينة عبالك عرس وكراسي وطبﻻت وخلو لنسوان وحد كعدتهن ولزلم وحد طلعنة اني ورباب نوزع للنسوان حلويات ونخلي اﻻكل علطبﻻت اجت ليان بت خالتي هية وخالتي طبعا ليان لوحيدة لخالتي وابوهة من غير طائفة بابا ميحبهم ﻻن من نوع لمتعصب دينيا وخالتي خطية تحس علة بابا فمتجي بس بلمناسبات طبو سلمو علكل وزيدون عينة علة ليان خطية شكد يحبون بعض وهية فدوة اية من لجمال عيون خضر ولشعر ذهب من لشكار طالعة علة ابوهة كعدت يم انهار بت خالتي نسولف ورة شوية طبت ام احمد وزهراء رحبنة بيهم وكعدو
    زهراء :ودق
    ها حبي
    نسيت جنطتي بلبيت بيهة صوري مال لعرس تعاي وياي نجيبهة داراويهن الكم
    صدوك اوكفي خل اكل لماما
    كلت ﻻمي كالت روحي بس بسرعة ﻻن احتاجكم بلمطبخ رحنة لبيتهم فتحت لباب طبينة
    زهراء :تعاي ودق فوتي
    فتنة لغرفتهة شوهاي دفعتني وقفلت لباب ضليت اصيح زهراء شبيج

  10. #10
    من اهل الدار
    ملكة
    خبلتي فتحي لباب ورة شوية نفتحت لباب اباوع هاذ جواد طب وقفل لباب ودق :هاي شنو انتة شجابك هنا زهراء اني اعلمج
    جواد :ليش هيج تسوين بية متخافين من الله
    شسويتلك اني
    والج عين تسألين ولج صارلي شهر ﻻليلي ليل وﻻنهاري نهار ماخليت طريق يودي لمدرستج ماتانيتج بي ولج عايف شغلي ومكابل لمدرسة
    رفع راسة ليفوك وكال اوف ربي كلبي مابي حوبة وتطلعهة بيهة
    يابت لناس وحق هاذ الله لفوك راسج رايدج بلحﻻل ومستعد باجر ادز امي ولج والله ماحلت بعيني غيرج ولج كلبي مادك بس وياج ماسهرت يوم ودمعتي بعيني بس من عرفتج

    ﻻعفية ﻻتدز امك اني اريد اكمل دراستي وخاف بابا يبطلني من تخطبني

    لعد خابريني والله كلبي خلص ولج وحق رب لكعبة صارلي شهر روحي مفرفحة عليج احبج شنو انتي ماعدج كلب ولج لعشك مابي ذل ﻻتذليني رحمة ﻻهلج ولج امشي بلشارع مثل المخبل واجدي شوفتج من الله جداوة
    خوش خوش والله اخابرك بس هسة خليني اروح عدنة حفلة بلبيت وماما متانيتني هسة
    فتح لباب كلي وعديني تخابرين قبل ماتطلعين
    وعد والله اخابرك وعد
    طلعت زهراء يم لباب واكفة كتلهة ولج حسابج بعدين هسة امشي قبل ما امي تدز واحد من لولد ورانة
    طلعنة كتلهة زهراء ليش هيج سويتي عود احنة صديقات ماخفتي يسويلي شي بلغرفة

    ﻻماخفت ﻻن جواد ماكو احسن منة ولج يحبج والله خطية زامل رجلي يكول من شافهة لليوم نكلب كيانة كلب يكول موذاك اخوي بس يصفن و24 وعشرين ساعة عايف لمحل علية مدري وين يروح
    يلله خلص راح اخابرة والله اني هم نكسر خاطري علي عبالي جذاب ويريد يلعب بلبداية بس ماطول هيج خلص راح انطي فرصة
    وصلنة للبيت وﻻغاني مشتغلة بلمسجل واصدقاء زيدون شايلي ويشمرون بي ليفوك حبيبي طاير من لفرح بوجود ليان صارلهم اكثر من 5 اشهر مجايينة هية وخالتي وهية هم تختلس لنضرات علي واني مستمتعة بمراقبتهم
    كامو لولد يهوسون ويركصون ماما كالت احنة هم خل نطب جوة نعلك مسجل ونركص طبينة وتكابلنة كلنة لبنات نركص جفتنة زيدون واخذلة ركصة بلنص وها ها ها ويفتر ويهز بجتافة ولبنات ميتين من لضحك علي
    صاحلي حسام طلعت برة كلي هاذ صديقي ذاك باعي شنو رأيج بي كتلة الله ولك هاذ حلو ليش كال ﻻماكو شي طبي يلله
    طبيت جوة يم لبنات خلصت لحفلة وكلهة راحت كعدنة ننضف لبيت صاير مزبلة متنة تعب بس همزين باجر جمعة خلصنة ب11 ذبيت روحي نمت فزيت ب2 عطشانة كلش طلعت اشرب ماي وتذكرت
    يا ماخابرت جواد خطية نطيتة وعد باوعت علساعة ب2 كلت خل ادك علي بلكي كاعد رحت طلعت لكتاب لبي لرقم واجيت للصالة يم لتلفون بعد ماتفقدت لبيت وتأكدت لكل نايم دكيت اول مادك شالة
    جواد :الو
    ودق :الو جواد
    واخيرا ولج والله كمت اغفي يم لتلفون ليش هيج تتفننين بعذابي
    والله لتهيت انضف مو عدنة حفلة تخرج اخوي ولبيت هوسة جان
    يلله ولة يهمج اهم شي سمعت صوتج ولج والله مامصدك جاي احجي وياج شصار بية من وراج من ختفيتي ماصحيت يومية مريض والله

    اسفة ﻻن سببتلك هلشي
    ليش ماخابرتي بيوم حنة زهراء وزامل موكلتي راح ادك

    بصراحة ردت ادك بس جنت متخوفة منك كلت خاف هاذ يلعب
    مع ﻻسف عليج بعدج متعرفيني
    ضلينة نسولف لل4 ونص لفجر كلسا اطلع اباوع خاف احد كعد وارجع حبيت اسلوبة كلش حسيتة متقف خطية طالعلة هندسة بلسادس ومامداوم علمود يشتغل ويعين عائلتة حسيتة شهم ورجال كلت خل انطي فرصة ﻻن امثالة نقرضو
    لسبت من داومت كلت خل اروح من طريقي لقديم ﻻن هوة طلب مني هلشي جاي امشي شفت.

صفحة 1 من 8 123 ... الأخيرةالأخيرة
تم تطوير موقع درر العراق بواسطة Samer

قوانين المنتديات العامة

Google+

متصفح Chrome هو الأفضل لتصفح الانترنت في الجوال